തിരുവനന്തപുരം: സപ്ലൈകോയുടെ ആഭിമുഖ്യത്തിലുള്ള വിഷു-റംസാന് ഫെയറുകള് ഏപ്രില് 12 മുതല് 21 വരെ നടത്തുമെന്ന് ഭക്ഷ്യ-പൊതുവിതരണ മന്ത്രി ജി ആര് അനില്.
ഫെയറുകളുടെ സംസ്ഥാനതല ഉദ്ഘാടനം ഏപ്രില് 12ന് രാവിലെ 11ന് തമ്ബാനൂര് കെഎസ്ആര്ടിസി ടെര്മിനലിനു സമീപം സപ്ലൈകോ സൂപ്പര് മാര്ക്കറ്റ് പരിസരത്ത് ഭക്ഷ്യ-പൊതുവിതരണ മന്ത്രി നിര്വഹിക്കും.
ഗതാഗത മന്ത്രി ആന്റണി രാജു അധ്യക്ഷത വഹിക്കും.
14 ജില്ലാ ആസ്ഥാനങ്ങളിലേയും തെരഞ്ഞെടുക്കപ്പെട്ട സൂപ്പര് മാര്ക്കറ്റുകള് കേന്ദ്രീകരിച്ചാണ് ഫെയറുകള് സംഘടിപ്പിക്കുന്നത്.
താലൂക്ക് ആസ്ഥാനങ്ങളിലും തെരഞ്ഞെടുക്കപ്പെട്ട സൂപ്പര് മാര്ക്കറ്റുകള് കേന്ദ്രീകരിച്ചാണ് ഫെയറുകള് സംഘടിപ്പിക്കുക.
വിഷുവിനും റംസാനും പ്രത്യേക വിഭവങ്ങള് തയ്യാറാക്കുന്നതിന് ആവശ്യമായ ബിരിയാണി അരി, പായസക്കൂട്ട്, മറ്റ് സാധനങ്ങള് എന്നിവ 10 മുതല് 35 ശതമാനം വരെ വിലക്കിഴിവില് ഫെയറുകളില് ലഭ്യമാകും.
ഉത്സവ സീസണുകളില് വിലക്കയറ്റം നിയന്ത്രിക്കുന്നതിന് വിപണിയില് ഇടപെടുക എന്ന സര്ക്കാര് നയത്തിന്റെ ഭാഗമായാണ് സ്പെഷ്യല് ഫെയറുകള് എന്ന് മന്ത്രി കൂട്ടിച്ചേര്ത്തു.
