തിരുവനന്തപുരം: രൂപം മാറ്റിയ ബൈക്കുകളില് അമിതവേഗത്തില് സഞ്ചരിക്കുകയും അഭ്യാസപ്രകടനങ്ങള് നടത്തുകയും ചെയ്യുന്നവരെ കണ്ടെത്തുന്നതിനായി സംസ്ഥാന വ്യാപകമായി നടത്തിയ പരിശോധനയില് 53 ഇരുചക്രവാഹനങ്ങള് പിടിച്ചെടുത്തു. പൊലീസും മോട്ടോര് വാഹനവകുപ്പും സംയുക്തമായാണ് പരിശോധന നടത്തിയത്.
സംസ്ഥാനത്തെ വിവിധ ജില്ലകളില് നടത്തിയ പരിശോധനയില് 6,37,350 രൂപ പിഴയായി ഈടാക്കി. 85 പേരില് നിന്നാണ് പിഴ ഈടാക്കിയത്. തിരുവനന്തപുരം റൂറല് ജില്ലയില് നിന്നാണ് ഏറ്റവും കൂടുതല് തുക പിഴയായി ഈടാക്കിയത് 1,66,500 രൂപ. വാഹനങ്ങളില് അഭ്യാസപ്രകടനം നടത്തിയ 37 പേരുടെ ലൈസന്സ് റദ്ദാക്കാന് ശുപാര്ശ ചെയ്തു.
