മലപ്പുറം : കേരളത്തെ കണ്ണീര് കടലില് മുക്കിയ താനൂര് ബോട്ട് ദുരന്തത്തില് 22 മരണം.
ആറ് കുഞ്ഞുങ്ങള്ക്കും മൂന്ന് സ്ത്രീകള്ക്കും അടക്കമാണ് ഒട്ടുംപുറം തൂവല്തീരത്ത് വിനോദ സഞ്ചാര ബോട്ട് മുങ്ങിയുണ്ടായ അപകത്തില് ജീവന് നഷ്ടമായത്.
അവധിക്കാലം ആഘോഷിക്കാനെത്തിയ മുപ്പത്തഞ്ചിലേറെ പേരാണ് ദുരന്തത്തില്പ്പെട്ടത്. ബോട്ടിലുണ്ടായിരുന്നതിലേറെയും സ്ത്രീകളും കുഞ്ഞുങ്ങളുമായിരുന്നു.
കൈക്കുഞ്ഞുങ്ങള് അടക്കം മുങ്ങിതാണു.
ഏറെ ദുഷ്കരമായിരുന്നു ആദ്യഘട്ട രക്ഷാപ്രവര്ത്തനം. ചതുപ്പും, വെളിച്ചക്കുറവും വെല്ലുവിളിയായി.
രാത്രി 7നും 7.40നും ഇടയില്, മുപ്പത്തഞ്ചിലേറെ വിനോദ സഞ്ചായരികളായ യാത്രക്കാരുമായി തീരം വിട്ട ബോട്ട് മുന്നൂറ് മീറ്ററോളം സഞ്ചരിച്ചപ്പോഴാണ് അപകടത്തില്പ്പെട്ടത്
ആദ്യം ഒന്നു ചരിഞ്ഞ ബോട്ട് പിന്നീട് തലകീഴായി മറിയുകയായിരുന്നെന്നാണ് ദൃക്സാക്ഷികള് പറയുന്നത്.
കെട്ടിവലിച്ചും ജെസിബി ഉപയോഗിച്ചും ഏറെ പണിപ്പെട്ടാണ് ബോട്ട് കരയ്ക്കടുപ്പിച്ചത്. രക്ഷപ്പെടുത്തിയവരെ തിരൂരങ്ങാടി, താനൂlര്, തിരൂര് എന്നിവിടങ്ങളിലെ സര്ക്കാര്, സ്വകാര്യ ആശുപത്രികളില് പ്രവേശിപ്പിച്ചു, ചിലരെ കോഴിക്കോട് മെഡിക്കല് കോളേജിലും സ്വകാര്യ ആശുപത്രിയിലും പ്രവേശിപ്പിച്ചു.
രാഷ്ട്രപതിയും പ്രധാനമന്ത്രിയും ദുരന്തരത്തില് ദുഖം രേഖപ്പെടുത്തി.
സംസ്ഥാനത്ത് ഇന്ന് ഔദ്യോഗിക ദുഖാചരണമാണ്. മുഖ്യമന്ത്രി പിണറായി വിജയനും പ്രതിപക്ഷ നേതാവ് വിഡി സതീശനുമടക്കമുള്ള നേതാക്കള് ഇന്ന് താനൂരിലെത്തും.
ബോട്ടുടമക്കെതിരെ കേസ്
ബോട്ടുടമ താനൂര് സ്വദേശി നാസര് ഒളിവിലാണ്. ഇയാള്ക്കെതിരെ നരഹത്യ കുറ്റം ചുമത്തി കേസെടുത്തു. ബോട്ടിന് ഫിറ്റ്നസ് ലഭിച്ചതില് അടക്കം പരിശോധന നടക്കും. മാനദണ്ഡങ്ങള് ലംഘിച്ചായിരുന്നു ബോട്ട് യാത്രയെന്ന് പൊലീസ് അറിയിച്ചു.
ആശുപത്രി രേഖകള് പ്രകാരം മരിച്ചവരുടെ പേരുകള്
താനൂര് ഓലപ്പീടിക കാട്ടില്പ്പീടിയെക്കല് സിദ്ദീഖ് (41)
സിദ്ധീഖിന്റെ മക്കളായ ഫാത്തിമ മിന്ഹ (12), ഫൈസാന് (3)
പരപ്പനങ്ങാടി കുന്നുമ്മല് ജാബിറിന്റെ ഭാര്യ ജല്സിയ (40)
പരപ്പനങ്ങാടി സ്വദേശികളായ സഫ്ല (7), ഹസ്ന (18), ഷംന (17), സഫ്ന , സീനത്ത്
പരപ്പനങ്ങാടി കുന്നുമ്മല് റസീന
പെരിന്തല്മണ്ണ പട്ടിക്കാട് അഫ്ലഹ് (7)
പെരിന്തല്മണ്ണ പട്ടിക്കാട് അന്ഷിദ് (10)
മുണ്ടുപറമ്ബ് മച്ചിങ്ങല് നിഹാസിന്റെ മകള് ഹാദി ഫാത്തിമ (7)
പരപ്പനങ്ങാടി കുന്നുമ്മല് സിറാജിന്റെ മക്കളായ ഷഹറ, റുഷ്ദ
ഓട്ടുമ്മല് വീട്ടില് സിറാജിന്റെ മകള് നൈറ
താനൂര് സ്റ്റേഷനിലെ പൊലീസുകാരന് പരപ്പനങ്ങാടി സ്വദേശി സബറുദ്ദീന് (37)
ചെട്ടിപ്പടി വെട്ടിക്കുടി വീട്ടില് സൈനുല് ആബിദിന്റെ ഭാര്യ ആയിഷാബി,
ചെട്ടിപ്പടി വെട്ടിക്കുടി ആദില് ഷെറി, അര്ഷാന് , അദ്നാന്
പരപ്പനങ്ങാടി കുന്നുമ്മല് ജരീര്.
