തിരുവനന്തപുരം: ഈ വര്ഷത്തെ എസ്.എസ്.എല്.സി പരീക്ഷാഫലം പ്രഖ്യാപിച്ചപ്പോള് വിജയശതമാനത്തില് മുന്നില് കണ്ണൂര് ജില്ല(99.94%). കൂടുതല് എ പ്ലസ് മലപ്പുറം ജില്ലയിലാണ്-4853. ഫലപ്രഖ്യാപനത്തിനിടെ വിദ്യാഭ്യാസ വകുപ്പ് മന്ത്രി വി.ശിവന്കുട്ടിയാണ് ഇക്കാര്യം അറിയിച്ചത്.
വിഎച്ച്എസ്ഇ വിജയശതമാനം -99.9 ആണ്
4,19,128 വിദ്യാര്ഥികളാണ് ഇത്തവണ എസ്.എസ്.എല്.സി പരീക്ഷയെഴുതിയത്. ഇതില് 4,17,864 വിദ്യാര്ഥികളാണ് ഉപരിപഠനത്തിന് യോഗ്യത നേടിയത്. 99.70 ആണ് ഇത്തവണത്തെ എസ്എസ്എല്സി വിജയ ശതമാനം. 99.26 ശതമാനമായിരുന്നു കഴിഞ്ഞ തവണ. 68,604 വിദ്യാര്ഥികള് ഫുള് എ പ്ലസ് നേടി. കഴിഞ്ഞ വര്ഷം 44,363 വിദ്യാര്ഥികള്ക്കാണ് എല്ലാവിഷയത്തിനും എ പ്ലസ് ലഭിച്ചത്. പാഠ്യേതരവിഷങ്ങളില് നേട്ടങ്ങള് കൈവരിച്ച വിദ്യാര്ഥികള്ക്ക് ഇത്തവണ ഗ്രേസ് മാര്ക്ക് നല്കിയിട്ടുണ്ട്.
കണ്ണൂര് ഏറ്റവും കൂടുതല് വിജയ ശതമാനമുള്ള റവന്യു ജില്ല. 99.94% ആണ് ജില്ലയിലെ വിജയശതമാനം.
ഏറ്റവും കുറവ് വിജയ ശതമാനമുള്ള റവന്യു ജില്ല വയനാടാണ്- 98.41
വിജയശതമാനം ഏറ്റവും കൂടുതലുള്ള വിദ്യാഭ്യാസ ജില്ല പാലാ, മൂവാറ്റുപുഴ
വിജയശതമാനം ഏറ്റവും കുറവുള്ള വിദ്യാഭ്യാസ ജില്ല വയനാടാണ് (97.98%)
ഏറ്റവും കൂടുതല് ഫുള് എ പ്ലസ് ലഭിച്ച വിദ്യാഭ്യാസ ജില്ല- മലപ്പുറം (4,856). മലപ്പുറം ജില്ലയിലെ പി.കെ.എം.എം.എച്ച്.എസ്.എസ് എടരിക്കോട് ആണ് കൂടുതല് കൂട്ടികള് പരീക്ഷയെഴുതിയ സെന്റര്
ഏറ്റവും കുറവ് കുട്ടികള് പരീക്ഷ എഴുതിയ സെന്റര്- എച്ച്.എം.എച്ച്. എസ്.എസ് രണ്ടാര്ക്കര എറണാകുളം
