ബെംഗളൂരു: മുൻമുഖ്യമന്ത്രിയും കോൺഗ്രസ് നേതാവുമായ ഉമ്മൻചാണ്ടി (73) അന്തരിച്ചു.
ബെംഗളൂരുവില് ചികിത്സയിലിരിക്കെയാണ് അന്ത്യം.
ക്യാൻസര് ബാധിതനയാരിന്നു. മകൻ ചാണ്ടി ഉമ്മനാണ് മരണവിവരം അറിയിച്ചത്. 2004-06, 2011-16 കാലങ്ങളില് കേരളത്തിന്റെ മുഖ്യമന്ത്രിയായി. കുടുംബം കാനറാ ബാങ്ക് ഉദ്യോഗസ്ഥയായിരുന്ന ആലപ്പുഴ കരുവാറ്റ സ്വദേശി മറിയാമ്മയാണ് ഉമ്മൻ ചാണ്ടിയുടെ ഭാര്യ. മറിയം, അച്ചു ഉമ്മൻ, ചാണ്ടി ഉമ്മൻ എന്നിവര് മക്കളാണ്.
പുലര്ച്ചെ നാലരയോടെയാണ് മരണം സ്ഥിരീകരിച്ചത്.
ബെംഗളൂരുവിലെ ചിന്മയ ആശുപത്രിയിലാണ് ചികിത്സിച്ചിരുന്നത്. തൊണ്ടയിലാണ് ക്യാൻസര് ബാധിച്ചത്. സംസ്ഥാന സര്ക്കാറിന്റെ നിര്ദേശ പ്രകാരം വിദഗ്ധ ഡോക്ടര് സംഘമായിരുന്നു ചികിത്സിച്ചത്. ഏറെക്കാലം പുതുപ്പള്ളിയിലെ എംഎല്എയായിരുന്നു. രാഹുല് ഗാന്ധി, സോണിയാഗാന്ധി തുടങ്ങിയ ഉന്നത കോണ്ഗ്രസ് നേതാക്കള് എത്തും. പ്രതിപക്ഷ യോഗം നടക്കുന്നതിനാല് രാജ്യത്തെ പ്രധാന കോണ്ഗ്രസ് നേതാക്കള് ബെംഗളൂരുവിലുണ്ട്. 2004ലാണ് ഉമ്മൻ ചാണ്ടി ആദ്യം മുഖ്യമന്ത്രിയാകുന്നത്.
പാര്ലമെന്റ് തെരഞ്ഞെടുപ്പിലെ കനത്ത തോല്വിയെ തുടര്ന്ന് എകെ ആന്റണി രാജിവെച്ചതിനെ തുടര്ന്നാണ് ഉമ്മൻചാണ്ടി 2004-2006 കാലഘട്ടത്തില് മുഖ്യമന്ത്രിയാകുന്നത്.
തുടര്ന്ന് അഞ്ച് വര്ഷം പ്രതിപക്ഷ നേതാവായും പ്രവര്ത്തിച്ചു. പിന്നീട് 2011ല് വീണ്ടും മുഖ്യമന്ത്രിയായി തിരിച്ചെത്തി.
രണ്ട് സീറ്റിന്റെ ഭൂരിപക്ഷത്തില് അധികാരത്തിലേറിയ സര്ക്കാറിനെ ഉമ്മൻ ചാണ്ടിയുടെ നയതന്ത്ര വൈദഗ്ധ്യമായിരുന്നു അഞ്ച് വര്ഷം പൂര്ത്തിയാക്കാൻ സഹായിച്ചത്. ഭരണത്തിന്റെ അവസാന നാളുകളില് സോളാര് വിവാദം സംസ്ഥാനത്തെ പിടിച്ചുലച്ചു. ജനങ്ങള്ക്കിടയില് പ്രവര്ത്തിച്ച നേതാവായിരുന്നു ഉമ്മൻചാണ്ടി.
