തിരുവനന്തപുരം: സിക്കിള്സെല് രോഗികള്ക്ക് ആരോഗ്യ വകുപ്പ് പ്രത്യേക ഓണക്കിറ്റ് നല്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു
സംസ്ഥാനത്ത് ആദ്യമായാണ് സിക്കിള്സെല് രോഗികള്ക്ക് പ്രത്യേക ഓണക്കിറ്റ് കൊടുക്കുന്നത്. നിലവില് അവര്ക്ക് നല്കുന്ന ന്യൂട്രീഷന് കിറ്റ് കൂടാതെയാണ് ഓണക്കിറ്റ് നല്കുന്നത്.
സിവില്സപ്ലൈസ്, കണ്സ്യൂമര്ഫെഡ് തുടങ്ങിയ സര്ക്കാര് സ്ഥാപനങ്ങള് വഴി സാധനങ്ങള് ശേഖരിച്ചാണ് കിറ്റ് കൊടുക്കുക. ശര്ക്കര, ചായപ്പൊടി,പഞ്ചസാര, ചെറുപയര് പരിപ്പ് തുടങ്ങിയ എട്ട് ഇനങ്ങളാണ് കിറ്റിലെ ഇനങ്ങള്. ആരോഗ്യ വകുപ്പും സിക്കള്സെല് രോഗികളുടെ കൂട്ടായ്മയും ചേര്ന്ന് വരുന്ന വെള്ളിയും ശനിയും കൊണ്ട് കിറ്റ് വിതരണം ചെയ്യുന്നതാണെന്നും മന്ത്രി പറഞ്ഞു.
സിക്കിള്സെല് ചികിത്സയ്ക്ക് നൂതന സംവിധാനങ്ങളാണ് സര്ക്കാര് നടപ്പാക്കുന്നത്. ഹീമോഫീലിയ, തലസീമിയ, സിക്കിള് സെല് രോഗികള്ക്ക് സഹായവുമായി ആശാധാര പദ്ധതി നടപ്പിലാക്കി വരുന്നു
