മീനങ്ങാടി: വയനാട് ജില്ലയിൽ സാമൂഹിക, സാംസ്കാരിക രംഗത്ത് സജീവ പ്രവർത്തനങ്ങൾക്കായി രൂപീകരിച്ച ധ്വനി കൾച്ചറൽ സൊസൈറ്റി പ്രവർത്തനമാരംഭിച്ചു.
കൾച്ചറൽ സൊസൈറ്റിയുടെ
ഉദ്ഘാടനം ഡോക്ടർ കെ. പദ്മനാഭൻ നിർവഹിച്ചു പ്രസിഡന്റായി സി. കെ സുരേഷ് ബാബു, സെക്രട്ടറി കെ. സേതുമാധവൻ എന്നിവരെയും, ഡയറക്ടർമാരായി കെ. എ രഞ്ജിത് കുമാർ, പുഷ്പരാജ്, കെ.വി സുധീഷ്,അമർ പ്രസാദ്, ബിജു എൻ. ഒ, വി.വി രാജു എന്നിവരെ തിരഞ്ഞെടുത്തു. ജില്ലയിൽ ഹയർ സെക്കണ്ടറി വിഭാഗത്തിൽ ഉയർന്ന വിജയം നേടിയ പവിത്ര സുരേഷിന് മൊമെന്റോ നൽകി ആദരിച്ചു. വർദ്ധിച്ചു വരുന്ന ഡയാലിസിസ് രോഗികൾക്ക് ആശ്വാസമായി ചികിത്സാ സഹായം, നിർദ്ധന വിദ്യാർത്ഥികൾക്കുള്ള പഠന സഹായം, വിവിധ മേഖലകളിൽ ബോധവൽക്കരണ ക്ലാസുകൾ, പാലിയേറ്റിവ് രംഗത്ത് സഹായം എന്നിവയാണ് ഈ വർഷം പദ്ധതിയിലൂടെ നടപ്പാക്കാൻ ഉദ്ദേശിക്കുന്നത്. വി വി.സുരേന്ദ്രൻ, പ്രവീൺ പി.പി , സനോജ് കെ. പി, അലി മൗലവി, സജി ടി വർഗീസ്സ് എന്നിവർ സംസാരിച്ചു.
