സുൽത്താൻ ബത്തേരി:കുപ്പാടി സ്വദേശികളായ കാഞ്ചിരം ചോലയിൽ മുബഷീർ (25), വിഷ്ണു നിവാസിൽ ഹരിക്കുട്ടൻ എന്ന ജിഷ്ണു (23) എന്നിവരാണ് പിടിയിലായത്. കുപ്പാടി കടമാൻചിറയ്ക്ക് സമീപത്തെ വീട്ടുമുറ്റത്തുനിന്ന് ജൂൺ 25ന് രാത്രിയിലാണ് ഇവർ സുസുക്കി ആക്സിസ് സ്കൂട്ടർ മോഷ്ടിച്ചത്. പിന്നീട് വ്യാജ നമ്പറിൽ ഉപയോഗിച്ച് വരുകയായിരുന്നു. അലി മോൻ എന്നയാളുടേതായിരുന്നു വാഹനം. പോലീസ്നടത്തിയ അന്വേഷണത്തിലാണ് പ്രതികൾ വലയിലായത്. കോടതിയിൽ ഹാജരാക്കിയ ഇരുവരെയും റിമാന്റ് ചെയ്തു.
